Tekstbase - kontekst
Du er på side 43 af 263 sider
Document Buttons
Ad incomparabilem suo ævo in sua lingva Poëtam Dn. M.
Andream Arreboensem.
De opere posthumo sex dierum creationem carmine Hexaemero
comprehendente qvod Rever. filius Pastor Nebbelundensis publici
juris fieri curavit. 1661.
SAncte senex scribis, sic te tua Musa movebat,
Gratum opus in Danis Arreboense tuis.
Magnum opus, ut primâ surgentis origine mundi
Senis luciferis cuncta creata refers.
Scilicet inde datur terras spectare jacentes
Et circumfusi brachia curva maris.
Tam solis radios rutilantis, tamque recursus,
Qvaliter & pactâ stent elementa fide.
Utque Deus, scribis, demum cessare qviete
Perfectò artifices jusserit orbe manus.
Magnum opus est. Seri mirantur scripta nepotes,
Tentat enim Natus præla addiisse tuus;
Actum perbellè! Vivit post funera metrum,
Et vatum Princeps Arreboensis erit.
Ex Musæo Hauniæ festinante calamo scripsit 3. Sept. 1661.
Henricus Wallensbechius,
In Hexaemeron Aroense posthumum.
FRustrà sepulchro saxeo reconditur
Qvem merita fatis eximunt.
Texêre dudum corpus atra marmora
Ut ne qvidem umbra reliqva.
Sed jam sepulchro prodit author inclutus,
Labore clarus aureo.
Rhythmosque; Danos Mosen Ebræum docet,
Insigniori commodo.
