Tekstbase - kontekst
Du er på side 48 af 263 sider
Document Buttons
D. O. M. URANIÆ DANORUM Nec non PIIS MANIBUS REVERENDISS. ET ILLUSTRISS. Ducis & Herois DIVI ULDARICI Sereniss. Regis Daniæ DOMINI CHRISTIANI IV. Filii, Globum hunc Anno Domini M. DC. XXXII. Calend. Decembr: Patriæ victoriosè restituentis SACRUM
Globus ad lectorem.
RObusto qvondam ligno me cura Tychonis
Cælari fecit, clade sed Artificis,
Tornatoris ego nam, ferro obstante, lacertum
Confregi lævum, motus ab axe citô.
Inclytus inde Tycho me fecit ab ære nitente
Crustatum, magnos usus in Uraniæ.
Sed vertendo solum vici vertigine cælum,
Dum patriâ septem lustra per exul eram.
Ad Bohemos primum veni, me porrò trahebat
Ortivum versus vis inimica locum.
Qvò curvæ in terras animæ & cælestium inanes
Vivunt, heicque; simul gens nova Löyolæ.
Causa subest vestris cur me servire vetantem
Usibus eripuit provida cura Dei.
Nam licet inclusum tenuistis tempore Nesi;
Me tamen Ulricus carcere deripuit,
