Tekstbase - kontekst

inanis fuit, atque profectio incommoda fratri, nam multum pecuniæ consumpsimus. Ego vero dissuasi illi, ne ad bellum sive ad exilium voluntarium animum applicaret, ne ita quadam desperatione deficiens a Deo laberetur in adulterium, quod summis viribus diabolus conatus erat efficere hac crucis tentatione. Ideoque tam, diu fui adhortator ei, ut perseveraret in omni pietate et honestate juxta verbum Dei, nec frangeretur illa discordia vel contemptu consanguineorum fratriæ.

Lubeci et Vismariæ propter fratrem in ipsa acerrima peste fui.

Persuasus igitur frater a me venit mecum Lubecum, ubi coram pastoribus et senatu causam egimus contra illud impium conatum discordiæ, qua abstracta erat uxor fratri, ut supra dictum est. Sed nihil utilitatis in hac causa percepimus. Tanta enim fuit negligentia vel potius impietas tam concionatorum quam senatorum, ut permitterent divortium conjugii fieri biennio propter debitum pecuniarium. Fuimus in hospitio apud Hans Cordes anno 1549. Tunc ad idem venit hospitium Johannes a Lasco Polonus, mihi antea nec notus nec visus. Hunc animadvertens doctum esse virum rogavi, ut suam largiretur mihi commendationem ad aliquem pium dominum. Respondit se libenter hoc facturum. Non scio, inquit, magis pium atque benigniorem dominum quam est archiepiscopus Cantuariensis in Anglia. Proinde scripsit elegantes commendatitias pro me ad dictum Angliæ archiepiscopum, quas dedit mihi inquiens: Vide te honeste geras. Respondi: Deo dante bonum de me testimonium audietis.

Hunc Johannem Laski tunc temporis non scivi (teste Deo) esse Zuinglianum seu Calvinistam, quod primum in Anglia rescivi. Si enim scivissem illum talem fuisse apostatam Christi, nullo modo accepissem ejus literas commendatitias, et hoc quidem propter malas de me suspiciones eorum, qui me norunt esse deditum verissimæ sententiæ, quam Christus, fons veritatis, pronunciat in suis verbis suæ coenæ. Exhorresco atque ex animo detestor Zwinglianorum,