Du er her: Forside Tekstbase Johs. Oldendorph: Selvbiografi (1563-66) Johs. Oldendorph: Selvbiografi (1563-66), Side: 15 (36 i forlægget)

Tekstbase - kontekst

Du er på side 15 af 63 sider (Side 36 i forlægget)

Johs. Oldendorph: Selvbiografi (1563-66)LATIN
Document Buttons

II DE VITA ET NUPTIIS JOHANNIS OLDENDORPII, qui est tertius filius Jacob Peterssen Oldendorph et ultimus liberorum ejus.

Anno Domini 1545., 1546. fui Vitæbergæ studia literarum ac pietatis discendi ac colendi gratia, ibique lectiones ac conciones pias M. Lutheri, viri doctissimi ac piissimi ministri evangelii Christi, item doctissimi Philippi Melanchthonis aliorumque eruditorum professorum lectiones et disputationes dulcissimas necnon utilissimas audivi, ac didici ibidem fundamentum Christianæ doctrinæ ex verbo Dei contra omnes errores Suinglianorum, Anabaptistarum et omnium hæreticorum.

Cum vero Lutherus diem obiisset Islebiæ funusque ejus inde devectum esset Vitebergam, ubi honorifice in templo arcis est sepultum, postea statim tumultus bellicus exortus est, ideoque propter bellum cum multis studiosis inde discessi ac Haderslebium redii, ubi et pater meus ac soror Marina vita defuncti erant, ut supra dictum est. Mansi tunc domi usque in 48. annum ac præfui oeconomiæ nostræ, duobus fratribus in Dania negotiantibus.

Post nuptias fratris Petri Lubeci factas discessi ad Rostochiensem academiam propter studia mea, ubi tamen antea plus quadriennio consumpsi in studiis. Perduravi tunc ibidem biennio usque ad epistolas fratris, quibus me evocavit.

Veni itaque ad fratrem Kilonem, ubi aliquantulum commoratus cum eo, postea discedentes inde huc illucque fecimus iter, ut indagaremus, ubi nam uxor ejus (ut rumor erat) deducta latitaret. Propterea Rostochii, Vismariæ, Suerini fuimus. Sed tota hæc discursatio