Tekstbase - kontekst

paterni attavi et proavi mei vixerunt et habitarunt in territorio, ut vernacula vocant, Turstorp Herredt, ibidem etiam familia mea paternæ stirpis oriunda ex pagis Felstorp. Hæc quidem ampla, populosa et honesta familia fuit et adhuc, Deo gratia, existit talis, etsi non inficior aliquos malos atque perversos ex eadem stirpe esse natos, ut fit in omnibus omnium lineis familiarum, tamen ut plurimi honestatis virtutisque studiosi fuerunt atque hodie sunt, quod illis constat, qui norunt illam meæ lineæ originem. Interim calumniatoribus, obtrectatoribus ac osoribus meis valedico.

Materni attavi et proavi habitarunt Flensburgi et Ripis. Ferunt aliqui avum meum maternum natum esse ex illis, qui nuncupantur Hollst, alii putant ex domo Swelundt esse prognatum, tamen, ut ut sit, honesta familia fuit, ex qua oriundus ille avus est.

Proavus meus paternus dictus est Jep Thomassen, qui diu habitavit in villa nostra Gammelby, germanice vocatur Oldendorph, unde patrium ac hæreditarium nomen sortiti sumus, ut appellemur recte Oldendorpii. Distat hæc villa uno miliari germanico ab urbe Haderslebensi. Hic Jacobus Thomessen satisfecit fratribus suis, ut sibi suisque hæredibus integra villa adjudicata maneret cum omnibus agris, sylvis, pratis ac privilegiis. Quanti valoris sit Oldendorpia villa cum suo fundo, hii norunt, quibus terra illa fertilis multo tempore cognita fuit. Præterea alius fundus nomine Murres erd spectat