Tekstbase - kontekst

ad hanc nostram villam Oldendorph, qui pignori datus est aliquibus nostris consanguineis, qui satis fraudulenter ad longius justo tempus sibi eum arripuerunt. Sed brevi cogentur summo jure dimittere veris hæredibus.

successit postea avus meus Peter Jacobssen suo patri in Oldendorph ac duxit uxorem nomine Jahan, quæ nata est ex familia Dall in Felstorp. Hæc habuit honestas matronas in Tustorp Herredt oriundas, ex quibus prognata est, necnon honestos viros, qui etiam mediocris dignitatis fuerunt.

Avus ille meus Peter Jacobssen Oldendorph multos annos honeste in legittimo conjugio vixit cum avia mea Jahan Dalls, ex qua unicum filium genuit nomine Jacob Peterssen Oldendorph, qui demortuis suis parentibus hæres factus est totius villæ ac ejus possessionis.

Pater meus scribit matrem suam obiisse diem suum Anno 1531. circa Andreæ Apostoli diem circiter 3. horam pomeridianam.

Ante obiit pater ejus Peter Jacobssen die Lunæ post Lucam Evangelistam 4. hora pomeridiana, pater addidit annum 1517. fuisse, et funus ejus sepultum est ad ostium monasterii Haderslebensis, cujus monachis dederunt par boum et plura oblatoria iuxta papisticam idolomaniam.

Accepta hæreditate pater meus Jacob Peterssen Oldendorph exercuit negotiationem suam ruri et in urbe Haderslebia, ubi etiam insignem domum emit ab illis civibus, qui nominantur Werckmesters. Hæc domus sita est prope forum.

Habuit pater meus antea concubinam quandam nomine Lenam, ex qua protulit filium atque filiam.

Scribit pater meus sua manu sese duxisse uxorem suam Ripis. Ita enim sonant verba ejus in suo regesto scripta:

Anno a nativitate Domini nostri ac propitiatoris Jesu Christi 1509., 20. die mensis Augusti, quæ fuit dominica ante Laurentii, nuptiæ Jacob Peterssen Oldendorph celebratæ sunt in urbe Ripensi