Tekstbase - kontekst

sata patris. Dixi ei: Venito, ut consideamus ac conferamus. Sedimus itaque in publica via, ne aliqui mentirentur nos aliquid mali designasse. Illa conquerebatur inopiam ac morositatem patris sui ac novercæ de necessariis suis accipiendis. Venit ad nos homo quidam nudo capite et pedibus, indusio et thorace quadam indutus, quem interrogavi, unde accederet et quo pergeret. Sed ille extra se raptus nihil potuit respondere rationabiliter ac circumivit nos ac clamavit danice: Hvor er hest och wogn? Mint tellercken, mint tellercken er bort. Tellercken, tellercken. At ego ridens dixi sponsæ, ne perturbaretur, quia illa cepit terreri.

Mirabundus volui scire, quid tamen hoc monstri vel rei esset; jussi sponsam debere reverti in civitatem. Post abitum ejus quæsivi illum miserum hominem, qui mihi non amplius visus est, nec potui invenire, ubi nam currum et equos habuerit. Ego suspicor fuisse spectrum diaboli, qui voluit impedire me a conjugio incepto. Vel suspicor hominem fuisse raptum ex Strandia vel alio territorio ad nos perturbandos atque tentandos. Quid vero in veritate fuerit, certum nescio, Deus novit; ego sane aliquoties recordatus sum hujus cum admiratione. Postea in campo composui canticum de virginibus.

1. die Julii dedi sponsæ meæ Catharinæ testamentum germanicum novum cum hac admonitio ne, ut quotidie unum capitulum perlegat cum pia attentione ad salutem suam, quod et sæpe ei in templo Haderslebiano dixi, ubi convenimus, ut sese omni pietati et honestati dederet verbumque Dei memoriæ insculperet, quod et strenue promisit.

Anno Domini 1563. 12. Septembris celebravimus nuptias nostras in nomine Sanctissimæ Trinitatis Haderslebii in domo Adde Fresen. Dominus Lago sacellanus copulavit nos et instruxit verbo Dei. Johannes Hechtius pastor noluit ad me venire bis etiam per puerum vocatus; fortasse hoc fecit ex arcana quadam in me invidentia. Deus Pater per Christum det nobis promissum Spiritum Sanctum, qui nos regat et protegat contra omnes conatus atque insidias diaboli, ut pie, honeste