Tekstbase - kontekst

pietatem ac familiæ suæ honestatem libere concessa esse, quibus pro hac benignitate gratias egi.

Dehinc omnes campanæ sonabant, ut moris est, et ego curavi fieri cistam et alia ad sepulturam.

25. Martii, quo et festum annunciationis Mariæ celebratur, hora pomeridiana 2. sepultum est funus ejus in semiterio canonici templi valde honorifice plurimis audientibus concionem funebrem Johannis Hechtii, qui tractavit textum Johannis 11., ubi docet Christus se esse resurrectionem et vitam.

Sic pie mortua est hæc virgo Elzebe, filia fratris mei Petri Jacobssen Oldendorph, et sepulta Haderslebii.

Anno a nativitate Domini Jesu Christi 1565. die 30. Martii noctu coepit Catharina uxor mea languescere et anxiari; hora 12. et prima hora dehinc animadverti illam enixuram. Doloribus jam ingravescentibus curavi vocari obstetricem Sissel et sororem meam Annam, advocavi et fratriam meam Appoloniam, quæ postea plures matronas advocarunt.

Matutina hora 6. inter septimam horam diei 31. Martii, Ariete signo auspicante, enixa est uxor mea primogenitam filiam ex gratia et dono Sanctissimæ Trinitatis, cui sit gloria pro illa liberatione ac donatione.

Ideoque nata est filia nostra 31. die Martii inter horam 6. et 7. horam matutinam, Deo donante et servante, cui æternas gratias agere debemus pro tali microcosmo.

Eodem invitavi illico patrinos seu compatres nostros, ut quam citissime juxta Dei voluntatem baptizaretur ad salutem postero, ne aliqua injuria admitteretur.

Anno Domini 1565. die 1. Aprilis, Ariete inspiciente, hora circiter nona baptizata est filia mea in nomine Sanctissimæ Trinitatis in ecclesia et templo Haderslebensi a pastore Haderslebensi domino Johanne Hechtio Gustroviensi.

Nominata est filia illa a Deo Elizabeth seu Elzebe juxta nomen matris meæ demortuæ Elzebe.

Patrinos habuit illos, qui sunt Carstenn Laurssen socer, dominus Johannes Hechtius pastor, soror mea Anna Werckmestersch, fratria mea Margareta Clawes Jacobssen et Catharina Ernstes seu Marcus