Tekstbase - kontekst

Kopkens. Eodem die horaque eadem baptizatus est filius Ottonis Bussmaker et nominatus est Hans. Sic Deus baptizavit et nominavit Elzebe, quem oro, ut per Christum eam servet ad æternam vitam suam. Deinde si eam concesserit nobis aliquamdiu Deus vivam, statuo eam æducandam esse in omni pietate et honestate juxta verbum Dei; postremo cupio ex Dei voluntate illam fieri matrem bonæ familiæ, ex qua Deus colligat sibi æternam ecclesiam per Christum. Amen.

Anno Domini 1565. 3. Aprilis mane inter 4. et 5. horam die Martis peperit Carstina, noverca meæ uxoris, filiolam, quæ illico die 4. Aprilis Mercurii baptizata est in nomine Sanctissimæ Trinitatis. Doctor Paulus Nidthart mecum fuit patrinus, frw Birgitta Weddesmits frw, et Anders Beckers frw.

Nominata est illa filia soceri Elizabeth, germanice Elzabe.

Dehinc mirum mihi videbatur, quod ex consilio et voluntate Dei octiduo post mortem prioris Elzebe receperimus meam Elizabetham, deinde et hanc Elizabetham, ut sciamus Deum gubernare et fortunare velle familiam et domum piorum suorum in oeconomia; ipsi gloria in æternum. Amen.

Jubilate dominica 13. Maji rumor huc pervenit Everardum Peterssen 12. Maji obiisse diem suum, qui fuit avunculus uxoris meæ et honestus civis Flensburgensis erat et tandem ædilis creatus est in templo, ut vocant, divi Nicolai, et dicitur sepultus ibidem in eodem templo honorifica pompa, ut moris est. 14. Maji dicitur sepultus esse honorifice in templo divi Nicolai.

Hoc anno coepit acriter grassari pestis in Germania, Dania et Holzatia, nam Lubeci, Hamburgi, Luneburgi, Vismariæ et in pluribus civitatibus ac locis Germaniæ multi peste extincti sunt. In Dania et Holzatia sic grassabatur, ut Haphniæ, Ripis aliisque in oppidis plurimi obierint. Flensburgi, Tunderis, Kiloni et Apenradi pestis tunc quoque crudescebat. Ad hæc miserabile illud bellum inter Danos et Suecos nimis duriter imminebat contemptoribus Dei et verbi ejus. Et non pauci proditores penes regem Daniæ reperiebantur, qui suis arcanis insidiis atque technis non tantum bellum prorogant ac periculose