Tekstbase - kontekst

11. Augusti noctu coepit ægrotare Kirstina, soror uxoris meæ, quam consolatus sum verbo Dei, ac Christianam fidem ejusque confessionem fortiter tenuit ac defendit, et sumpta coena Domini 14. Augusti a sacellano domino Jens Röe comfortata est anima ejus.

15. Augusti gravius habuit peste degrassante, ac vigilavi per illam noctem.

16. Augusti hora 6. matutina consolatus sum eam verbo Dei Johannis xi: Ego, inquit Christus, sum resurrectio et vita, et sic quam placidissime in Christo obdormivit; hora 2. sepulta in semiterio monastico concionante domino Jacobo Nodlund.

15. Maji discessit hinc consobrinus meus sive ἔγγονος Nicolaus Jacobssen Oldendorph Haphniam, ut in cancellaria regis exerceretur. Scripsi pro eo ad doctorem Johannem Franciscium, item dedi μνημόσυνον pii exercitii; ex tenuitate fortunæ meæ dedidi ei joachimicum dalerum et uxor mea 2 sch. lb. Adsit illi Deus, ut proficiat! Amen.

1. Junii graviter ægrotavit Ingeborch Otts sprinckel vel continua febri vel peste ac delirabat tota nocte, qua ibidem vigilavi et eam consolatus sum.

2. Junii, die pentecostes, laboravi skorbuck et scabie, ideoque non potui vigilare, et nocte inter 2. et 3. diem Junii hora 2. elapsa expiravit Ingeborch, et quidem pie obiisse dicitur.

4. Junii, 3. feria pentecostes, funus ejus honorifice in templo Haderslebiano sepultum est concionante Hechtio.

11. Junii rumor ferebat obiisse diem suum peste in Norvegia Hans Willatzssen.

8. Junii dicitur obiisse marina consobrina mea peste, quæ nata fuit ex sorore mea Ingeborch et Marco Peterssen senatore Middelfordiensi.

9. Junii sepulta dicitur in templo Middelfordensi honorifice.

11. Junii socer meus Carsten Laurssen ad mortem usque ægrotavit et scripsi testamentum ejus; postea cepit delirare.

14. Julii venit huc rex Daniæ Fridericus cum suis consiliariis.