Tekstbase - kontekst

31. Augusti quam gravissime ægrotavi peste; tunc accepi Annam Tuges, ut pueram et nos observaret. Ante meridiem sumpsi coenam Domini ab Hr. Joh. Hecht. Nocte etiam duriter laboravimus et comfortavi me in Domino et Deo meo Christo repulsis omnibus furoribus hæreticorum, quibus semper in Anglia, Germania, Dania et Holzatia adversatus sum, amplector vero solam omnem prophetarum et apostolorum, qui unico Christo, Immanueli et mediatori nostro, testimonium dant nos omnes credentes accipere remissionem peccatorum, spem sanctam et vitam æternam. Amen. [Act. Apo]stolorum x et 2. Psalmi: beati omnes, qui confidunt Christo Jesu, et Psalmi 51.: miserere mei, Deus! hoc mihi sufficet. Nec volo, Spiritu Sancto adjuvante et consolante, multa testimonia scripturæ diabolo insidiatori et tentatori objicere, remittam illum cum suis ignitis ad Christum Jesum, quo devicto et ego sum captus, et panopliam Christianam mihi præscriptam Ephes. 6 retinebo et exercebo suggerente et confirmante Spiritu Sancto, qui clamat et testatur in spiritu meo: Abba, abba, pater per Christum, et sic pie et placide hanc mortem corporalem subibo et sancte expirabo in Deo nostro, cui, gloria, laus et honor sit in æternum. Amen. Scripta mea di lucide decla runt, quæ fuerit mea Christiana fides et confessio juxta verbum Dei nobis traditum per prophetas et apostolos. Amen.

Obiit Joh. Jacobi Oldendorpius 2. Septembris 1566.