Tekstbase - kontekst

in nomine sanctissimæ Trinitatis, Dei Patris, Filii et Spiritus Sancti, cui gloria, laus et honor in æternum. Amen.

Duxit autem quandam Ripensem nomine Elizabeth, vernacula vocatur Ilsebe. Hæc fuit pia et honesta virgo oriunda ex familia eximia atque honesta, ut sequitur.

Pater ejus vocatus est Hans Iverssen Holst, qui natus quidem Flensburgi applicuit animam Ripis habitare, ubi egregiam domum et fundos emit. Illa virgo, quam duxit Ripis, Botell vocata est, nata ex familia quadam, quæ Jull appellatur, ab altera linea nuncupatur Wiben. Utraque familia satis ampla est Ripis et in Widding Herredt, unde Peter Troulssen cum sua sobole ac stirpe oriundus est.

Peperit hæc avia mea avo meo Hans Iwerssen duas filias, Mett et Ilsebe. Carsten Anderssen habuit Mett in uxorem. Jacob Peterssen Oldendorph duxit Elizabet in uxorem anno supra annotato. De urbe Haderslebia cum pompa ac justo comitatu ad nuptias Ripis faciendas discessit.

Completis nuptialibus gaudiis duxit secum suam, quam amplectebatur, uxorem in urbem Haderslebiam, ubi domi suæ juxta forum multos annos honeste vixerunt.

Vocatus est postea a senatu, ut esset illi a consiliis Haderslebiæ reipublicæ, cui diu fideliter consuluit ac servivit, ut omnes senatores ac consules necnon cives Haderslebenses testantur, cujus rei propter calumniatores atque obtrectatores egregium testimonium litteris conscriptum et secreto civitatis obsignatum habemus nos filii. Deinde dux Holzatiæ Christianus, qui et rex Daniæ mirabiliter creatus est, sæpe obtulit Jacobo Peterssen patri meo consulatum, quem diu renuens noluit suscipere, tandem post mortem uxoris suæ coactus est invitus etiam sustinere consulatum ab eodem rege, ut infra dicetur, ut fuerit senator et consul ultra 33 annos, veluti ex antiquis literis colligere potui.

Proinde exercuit Jacob Peterssen suam negotiationem honeste in vendendis bobus vel equis, item habuit pannum anglicum venalem, quem ementes egerunt ei gratias. Insuper egit mercatorem pro Clawes