Tekstbase - kontekst

suffragio patris juxta 4. mandatum, et hoc quidem in nomine Sanctissimæ Trinitatis, cui gloria in æternum. Amen.

Cæterum illa nutebatur mihi non firmam fidem habere, quasi astutiis verborum vellem fallere. Hoc animadvertens dixi ei: Noli, inquam, mihi hac in re et promissione mea diffidere. Si te auderem decipere et irrisui tradere hoc promisso, tamen ipsum Deum authorem et instituto rem conjugii non possum fallere. Non enim oportet pium aliquem, multo minus sacerdotem et ministrum evangelii, ludere in his tantis rebus, promissis adeoque ordinationibus Dei. Coepit tandem ægre credere mihi hæc pollicenti. Venias cras, inquam, Deo volente, in bibliothecam nostri templi, ubi plura tibi dicam. Respondit: Fiat voluntas Dei, sine cujus virtute ac potestate nihil possum. Ita honeste amplexus eam dimisi ex mea camera. Post abitum ejus invocavi Deum Patrem per Christum, ut Spiritu Sancto regeret meum promissum atque institutum contrahendi ad gloriam suam ac nostram salutem. Amen.

27. Maji hoc idem promisi ei in bibliotheca Haderslebensi in nomine Sanctissimæ Trinitatis admonens eam, ut se præberet semper studiosam omnis pietatis ac honestatis juxta verbum Dei, variaque plura proposui ei de timore Dei et studio virtutum juxta mandatum et evangelium Christi. Post meridiem dedi ei aliquot bonos aureos in campo prope sepes urbis boreales, illaque mihi aliquos aureos dedit in significationem promissi certo servandi. Noli, inquam, effutire hæc vel revelare alicui, nequidem patri, usque dum mandavero tibi aperienda et di vulganda esse; tunc poteris delibera re et consultare cum aliis, qui possent, diabolo instigant e, hoc pium nostrum propositum dissuadere et impedire. Hæc promissa sint a Deo semper benedicta atque in protectione sua servata in fasciculo optimo et benignissimo suæ immensæ misericordiæ promissæ propter Christum. Amen.