Tekstbase - kontekst

Anckerssen, cui tam charus fuit, ut ei maximam fidem habuerit. Nam vinum et alia necessaria ei advexit in domum. Fuit etiam curator et oeconomus oenopolii Haderslebensis cum suo collega senatus Pauel Matzen.

Anno Domini 1511. die Lunæ Bacchanalium, h.e. 22. Februarii, nata est Marina, prima soror mea, quæ postea nupsit Olao Jenssen, ut infra tradetur. Deo sit gloria! Amen.

Anno 1512. die Bartholomei, h.e. 24. Augusti, nata est Ingeborch soror mea, quæ deinceps nupsit Marco Peterssen, filio consulis in Middelfart. Deo sit laus et honor in æternum! Amen.

Anno 1514. die Lunæ ante Palmarum circiter secundam horam pomeridianam nata est Anna, tertia soror mea, quæ post mortem nupsit Matthiæ Werckmester, civi Tunderensi. Deo sit æterna celebratio! Amen.

Anno Domini 1516. die Lunæ ante Palmarum, h.e. 29. Martii, nata est quarta soror mea Catharina, eodem postea anno circa Johannis Baptistæ obiit infans diem suum, ut possideat æternæ vitæ diem ac hæreditatem in Christo et per eundem. Amen.

Anno a nativitate Domini nostri ac mediatoris 1517. die Martis post ......, h.e............., natus est frater meus Nicolaus circa 3. horam pomeridianam. Ipsi sanctæ Trinitati sit gloria, laus et honor in æternum. Amen.

Ideo autem Nicolaus est nominatus, quia mater nostra dicitur votum Deo tale sanxisse: Si Deus illi vellet filium pariendum dare,